Bushra Saeed
ek soft-drink ki qimat men
december ki sardi men
jab hamen apne bistar se
darvaze tak jaana
na-mumkin lagta hai
vo hamari chhaton ki nigahbani
haddiyon men chhed karti
yakh-basta havaon se
lad kar karta hai
koi nahin janta
us ka apna gharana
mahine ki akhiri tarikhen
kis aziyyat se katta hai
aur phir
agle mahine ke pahle hafte
vo apni khidmat
bezar chehron se
bhiik ki surat mangta hai
Leave a Reply