Poet
chashm se ghafil na hua chahiye
us ke muqabil na hua chahiye
dil ka zarar jaan ka nuqsan hai
ab kahin maail na hua chahiye
hai but-e-khun-khar bahut tund-khu
bosa ke saail na hua chahiye
aql ko dil chhod rah-e-ishq men
hamrah-e-kahil na hua chahiye
roz tanazzul men hai mah-e-tamam
dahr men kamil na hua chahiye
yaar kamar bandhiye insaf par
bar-sar-e-batil na hua chahiye
qatl ke qabil hai ye ‘joshish’ tira
ghair ke qatil na hua chahiye
Leave a Reply