Ali Sardar Jafri
mere darvaze se ab chand ko rukhsat kar do
saath aaya hai tumhare jo tumhare ghar se
apne mathe se hata do ye chamakta hua taaj
phenk do jism se kirnon ka sunahra zevar
tum hi tanha mire gham-khane men aa sakti ho
ek muddat se tumhare hi liye rakkha hai
mere jalte hue siine ka dahakta hua chand
dil-e-khun-gashta ka hansta hua khush-rang gulab
Leave a Reply