chaman chaman kahin aansu ghuTa ghuTa kahin aah
bana raha hai na.i ka.enat ishq-e-tabah
na hosh ba-ḳhabar is se na be-ḳhudi agah
main kis se puchhun tire shahr-e-iltifat ki raah
bas ek maut ki had tak pahunch saki hai nigah
kahan mili abhi dariya-e-sanehat ki thaah
bahar-e-mashriq-e-dil inqalab-e-mausam-e-gham
kisi ka ek tabassum kisi ki ek nigah
ye aarzu ke sitare ye intizar ke phuul
chamak rahi hain ḳhata.en mahak rahe hain gunah
Leave a Reply