chamakte lafz sitaron se chhin laae hain
ham asman se ghazal ki zamin laae hain
vo aur honge jo khanjar chhupa ke laate hain
ham apne saath phati astin laae hain
hamari baat ki gahrai khaak samjhenge
jo parbaton ke liye khurdbin laae hain
hanso na ham pe ki har bad-nasib banjare
saron pe rakh ke vatan ki zamin laae hain
mire qabile ke bachchon ke khel bhi hain ajiib
kisi sipahi ki talvar chhin laae hain
Leave a Reply