chamak sitaron ki nazron pe baar guzri hai
na puchh kaise shab-e-intizar guzri hai
jo ansuon ki nadi ḳhushk thi ka.i din se
vo saath apne liye abshar guzri hai
main ik dhuan tha ki uThta gaya har ik dil se
jidhar se vo nigah-e-barq-bar guzri hai
vahan se saath mira sathiyon ne chhoḌ diya
jahan se rahguzar ḳharzar guzri hai
ḳhuda ka shukr hai ‘fazil’ ki zindagi apni
ghamon ke saath bahut ḳhush-gavar guzri hai
Leave a Reply