Ameer Qazalbash
chalo ki ḳhud hi karen ru-numa.iyan apni
saron pe le ke chalen kaj-kulahiyan apni
sabhi ko paar utarne ki justuju lekin
na badban na samundar na kashtiyan apni
vo kah gaya hai ki ik din zarur a.unga
zara qarib se dekhunga duriyan apni
mire paḌos men aise bhi log baste hain
jo mujh men DhunD rahe hain bura.iyan apni
mujhe ḳhabar hai vo meri talash men hoga
main chhoḌ aaya huun ik baat darmiyan apni
main buund buund ki ḳhairat kab talak mangun
sameT la.un samundar se sipiyan apni
mire kahe hue lafzon ki qadr-o-qimat thi
main apne kaan men kahne laga azaan apni
karega sar vahi is dasht-e-be-karan ko ‘amir’
jala ke aa.e jo sahil pe kashtiyan apni
Leave a Reply