Bakhtiyar Ziya
chaliye kahin sahra hi men ab ḳhaak uḌa.en
basti men to sab jal ga.iin ḳhvabon ki rida.en
bechain hai muztar hai pareshan hai ye ruuh
kab tak ise ehsas ki suuli pe chaḌha.en
ankhon men paḌhi jaati hai saa.il ki zarurat
chehre se suni jaati hain ḳhamosh sada.en
main vaqt ki raftar ka ruḳh moḌ raha huun
vo log jo Darte hain mire saath na aa.en
munh moḌ rahe hain jo ‘ziya’ jahd-o-amal se
ja kar dar-e-taqdir ki zanjir hila.en
Leave a Reply