chahe tan man sab jal jaa.e
soz-e-darun par aanch na aa.e
shisha TuuTe ghul mach jaa.e
dil TuuTe avaz na aa.e
bahr-e-mohabbat tauba! tauba!
taira jaa.e na Duuba jaa.e
ai vaa.e majburi-e-insan
kya soche aur kya ho jaa.e
haa.e vo naghma jis ka mughanni
gaata jaa.e rota jaa.e
izzat daulat ani-jani
mil mil jaa.e chhin chhin jaa.e
jis ko kahni dil ki kahani
sar-ta-pa dhaḌkan ban jaa.e
mai-ḳhane ki samt na dekho
jaane kaun nazar aa jaa.e
kaash hamara farz-e-mohabbat
aish-e-mohabbat par chha jaa.e
Leave a Reply