Munir Anwar
chahaton ka samar mil gaya
tujh sa ahl-e-nazar mil gaya
tu mujhe raah men kya mila
ik javaz-e-safar mil gaya
ik shu.ur-e-mohabbat hamen
tere zer-e-asar mil gaya
tere me.aar ka to nahin
haan magar charagar mil gaya
meri takmil hone lagi
vo sarapa hunar mil gaya
tum sambhalo ye divar-e-zar
adamiyat ka dar mil gaya
dil men jaagi thi us ki lagan
ta-ba hadd-e-nazar mil gaya
tu mila to thakan jaag uThi
yuun laga jaise ghar mil gaya
Leave a Reply