huzur main is siyah chadar ka kya karungi
ye aap kyuun mujh ko bakhshte hain ba-sad inayat
Four walls and a black veil
na sog men huun ki us ko odhun
gham-o-alam khalq ko dikhaun
na rog huun main ki is ki tarikiyon men khiffat se duub jaun
na main gunahgar huun na mujrim
ki is syahi ki mehr apni jabin pe har haal men lagaun
agar na gustakh mujh ko samjhen
agar main jaan ki amaan paun
to dast-basta karun guzarish
ki banda-parvar
huzur ke hujra-e-maattar men ek lasha pada hua hai
na jaane kab ka gala sada hai
ye aap se rahm chahta hai
huzur itna karam to kiije
siyah chadar mujhe na dijiye
siyah chadar se apne hujre ki be-kafan laash dhanp dijiye
ki us se phuti hai jo ufunat
vo kuche kuche men hanpti hai
vo sar patakti hai chaukhaton par
barahnagi tan ki dhanpti hai
sunen zara dil-kharash chikhen
bana rahi hain ajab hayule
jo chadaron men bhi hain barahna
What shall I do, Sire, with this black veil?
Why do you bestow on me this great favour?
I am not in mourning that I should wear it
to show the world my grief. Nor am I sick
that I should hide my shame
In its dark folds. Stamp my forehead with this
dismal seal? If I am not too impudent, Sire
If you assure my life, may I tell you,
Most humbly: there lies, in your perfumed chamber,
A corpse that stinks. It begs for pity.
Cover that shroudless corpse. Not me.
Its stench is everywhere.
It cries for seclusion.
ye kaun hain jante to honge
huzur pahchante to honge
ye laundiyan hain
ki yarghamali halal shab-bhar rahe hain
dam-e-subh dar-ba-dar hain
huzur ke nutfe ko mubarak ke nisf virsa se be-mo’atabar hain
ye bibayan hain
ki zaujagi ka khiraj dene
qatar-andar-qatar baari ki muntazir hain
ye bachchiyan hain
ki jin ke sar par phira jo hazrat ka dast-e-shafqat
to kam-sini ke lahu se rish-e-saped rangin ho gai hai
huzur ke hajla-e-moattar men zindagi khuun ro gai hai
pada hua hai jahan ye lasha
tavil sadiyon se qatl-e-insaniyat ka ye khun-chakan tamasha
ab is tamasha ko khatm kiije
huzur ab is ko dhanp dijiye
siyah chadar to ban chuki hai miri nahin aap ki zarurat
ki is zamin par vajud mera nahin faqat ik nishan-e-shahvat
hayat ki shah-rah par jagmaga rahi hai miri zehanat
zamin ke rukh par jo hai pasina to jhilmilati hai meri mehnat
ye char-divariyan ye chadar gali sadi laash ko mubarak
khuli fazaon men badban khol kar badhega mira safina
main adam-e-nau ki ham-safar huun
ki jis ne jiiti miri bharosa-bhari rifaqat