charasazi ka talabgar lage hai vo bhi
ik masiha hai so bimar lage hai vo bhi
jis ki ḳhatir li zamane ki adavat ham ne
ab zamane ka taraf-dar lage hai vo bhi
ab rag-e-jan ko bacha.un to bacha.un kaise
saans chalti hai to talvar lage hai vo bhi
kis tarah manzilen tai hongi badan ki ai dil
us se milta huun to divar lage hai vo bhi
be-mughilan sahi tapte hue sahra ka safar
paanv rakhta huun magar ḳhaar lage hai vo bhi
Leave a Reply