ahmad-faraz

Chaak-Pairahani-E-Gul Ko Saba Jaanti Hai

chak-pairahani-e-gul ko saba janti hai

masti-e-shauq kahan band-e-qaba janti hai

ham to badnam-e-mohabbat the so rusva thahre

nasehon ko bhi magar khalq-e-khuda janti hai

kaun taqon pe raha kaun sar-e-rahguzar

shahr ke saare charaghon ko hava janti hai

havas inaam samajhti hai karam ko tere

aur mohabbat hai ki ehsan ko saza janti hai

More Poems

Leave a Comment