buton ke saath tabi.at ko ashna kar ke
hue ḳharab gharaz dil ko mubtala kar ke
bata tu ai falak-e-fitna-kar us but se
laga hai haath tire ham ko kya juda kar ke
ab aage dekhiye kya nibTe us ke darban se
ham us ke pahunche hain dar tak ḳhuda ḳhuda kar ke
kahan hai dil jo laga.en kisi se pahle hi
ham apna baiThe hain dil sarf-e-mudda.a kar ke
kiya na fa.eda kuchh ḳhaak charagar aḳhir
mariz-e-ishq ke nadim hue dava kar ke
uThaya haath jo ishq-e-butan se tum ne to phir
basar karoge bhala ‘aish’ umr kya kar ke
Leave a Reply