Muslim Shameem
burida-dast-o-qalam ki barat le ke chalo
harim-e-jabr men sham-e-hayat le ke chalo
fareb-e-shab hi sahi aaj qasr-e-zulmat men
sahar ki baat chali hai ye baat le ke chalo
sitam-kasho ḳhalish-e-zaḳhm-e-e’tibar ke saath
jarahat-e-nigah-e-iltifat le ke chalo
ye rasm-e-sang-zani ajnabi si baat nahin
jabin-e-shauq pe naqsh-e-sabat le ke chalo
‘shamim’ jins-e-vafa zindagi ke mele se
ḳharidna hai to naqd-e-hayat le ke chalo
Leave a Reply