bulbul baja.e apne tujhe ham-nava se bahs
vashud men gul ki mahz ghalat hai saba se bahs
a.ine ko na chahiye ashiq ke dil ke saath
bar-aks apni shakl ke ru-e-safa se bahs
ab to ghurur-e-husn hai aisa butan tumhen
mutlaq mahall-e-ḳhauf nahin hai ḳhuda se bahs
mab.has se us maqam ke ḳharij hai daḳhl-e-ghair
jab ashna ko aan paḌe ashna se bahs
bulbul hazar naghma-sara ho.e baagh men
kab kar sake hai nala-e-dil ki sada se bahs
daana na us ko samjhiye jo ghair ḳhamushi
dil ḳhasta ho falak ke kare asiya se bahs
kab sham.a tere husn ke sho.ale ke ru-ba-ru
mahfil men kar sake kam-o-besh-e-ziya se bahs
tausan ne teri nazuki gulshan men ḳhatm ki
aaj ab-o-rang-e-gul ki havas par hava se bahs
gulshan men chaak pairahan-e-gul kiya ‘muhib’
bulbul ne kar ke us but-e-gulgun-qaba se bahs
Leave a Reply