Samad Ansari
bujhte suraj ke sharare nuur barsane lage
rafta rafta chand taron men nazar aane lage
kar gaya bedar patthar ko fan-e-ḳhara-tarash
kitne nadida sanam ankhon men lahrane lage
mauj-e-bu-e-gul se bhaḌki hain dabi chingariyan
phir hava ke sard jhonke jism jhulsane lage
kaT ke rah ja.egi aḳhir qismat-e-gham ki lakir
tere zindani agar zanjir ḳhaḌkane lage
sar pe suraj tha to naqsh-e-pa bhi raushan the ‘samad’
dhuup ke Dhalte hi saa.e paanv phailane lage
Leave a Reply