bujh ga.iin aqlon ki ankhen gal ga.e jazbon ke par
kohr ke kichaḌ men taḌpe hain parinde rat-bhar
jaane phir kin daldalon se aḳhiri avaz den
apni be-manshur umren apne be-manzil safar
mere bahar char-su marti sadaon ka sarab
tu bikharna chahta hai to mire andar bikhar
tu kanval ki shakl men phuTega apni zaat se
jism ki ḳhvahish ke gahre paniyon men bhi utar
phir miri miTTi men apni chahaton ki sunghna
pahle meri saans ke sunsan jangal se guzar
dil men ‘nasik’ rah ga.i hain aarzu ki do laven
ek ḳhush aadat si laḌki aur ik chhoTa sa ghar
Leave a Reply