Rashid Imkan
bujh ga.e saare mahtab tire
ab kahan hain vo aftab tire
paida hote hi par nikal aa.e
dekh din a.enge ḳharab tire
tujh se nafrat ki intiha hai ye
sone dete nahin hain ḳhvab tire
ḳhud ko lagne na duun koi kanTa
tere hathon se luun gulab tire
tere chehre pe pot di kalak
meri Thokar pe sab azaab tire
ab to ḳhush hai ki pahli fursat men
tujh ko lauTa diye javab tire
Leave a Reply