pipe ke gahre lambe kash khinchta
vo apni barahnagi ke ehsas ko
dhuven ki shakl men
khala men tahlil hote dekh kar
muskurane ki koshish karta tha
us ki naaf ke as-pas
chipke hue
shikasta andhere ke chhote chhote tukde
mendak ki aankhon men
mare hue khvabon ki silan men
duub rahe the
vo
mujh ko
”gautam” ke naam se yaad kiya jaae
aisa
divaron par rengti
chiyuntiyon se
baar baar kah raha tha
Leave a Reply