biranji paanv men us ke chubhi hai
bichare mochi ko gaali paḌi hai
dhamaka dil men hone vaala hai kya
ka.i din se yahan kuchh sansani hai
mujhe lagta hai sho.ale ki hararat
andhere men dhuen ko tak rahi hai
yahin se paḌhte ja astaghfirullah
yahan se duur kuchh us ki gali hai
ye kaTni mol men karti hai gaḌbaḌ
tava.if qaul ki bilkul khari hai
tum apni had men baiTho ahl-e-duniya
tumhare saath kis ne baat ki hai
ba-qaul-e-‘raz’ niklo ma.arke se
ye duniya hai jahan tak zindagi hai
gale men Daal ke rassi laTak jaao
mohabbat ik tarah ki ḳhud-kushi hai
achanak asman ka saaf hona
‘shafaq’ koi-na-.koi gaḌ-baḌi hai
Leave a Reply