Bikhra Hai Kai Bar sameTa Hai Kai Bar

bikhrā hai ka.ī baar sameTā hai ka.ī baar

ye dil tire atrāf ko niklā hai ka.ī baar

jis chāñd ke dīdār kī hasrat meñ hai duniyā

vo shaam Dhale ghar mire utrā hai ka.ī baar

sun kar tujhe mad.hosh zamāna hai mujhe dekh

jis ne tirī āvāz ko dekhā hai ka.ī baar

afsos ki hai ishq-e-yagāna se bahut duur

yaaro tumheñ har roz jo hotā hai ka.ī baar

Leave a Comment