Bhulane Ke Liye Raazi Tujhe Ye Dil Nahin Hota

bhulāne ke liye raazī tujhe ye dil nahīñ hotā

tabhī to yaad se terī kabhī ġhāfil nahīñ hotā

mohabbat ko abhī tak maiñ ne apnī raaz rakkhā hai

tumhārā zikr yuuñ mujh se saare mahfil nahīñ hotā

tujhe hī DhūñDhtā rahtā maiñ apne aap meñ har-dam

sanam tū mere jīvan meñ agar shāmil nahīñ hotā

daġhā denā hī aadat ban ga.ī ho jis kī ai yaaro

bharose ke kabhī vo aadmī qābil nahīñ hotā

hamesha biij botā hai jo nafrat ke zamāne meñ

use ‘santosh’ jīvan meñ kabhī hāsil nahīñ hotā

Leave a Comment