Bhigi Hui Aankhon Ka Ye Manzar Na Milega

bhigi hui ankhon ka ye manzar na milega

ghar chhod ke mat jaao kahin ghar na milega

phir yaad bahut aaegi zulfon ki ghani shaam

jab dhuup men saaya koi sar par na milega

aansu ko kabhi os ka qatra na samajhna

aisa tumhen chahat ka samundar na milega

is khvab ke mahaul men be-khvab hain ankhen

jab niind bahut aaegi bistar na milega

ye soch lo ab akhiri saaya hai mohabbat

is dar se uthoge to koi dar na milega

Leave a Comment