bhanvar men mashvare paani se leta huun
main har mushkil ko asani se leta huun
jahan dana.i deti hai koi mauqa.a
vahan main kaam nadani se leta huun
vo mansube hain kuchh abad hone ke
main jin par raa.e virani se leta huun
ab apne ablon ki ghaTiyon se bhi
samundar dekh asani se leta huun
nahin leta magar lene pe aa.uun to
main badla aag ka paani se leta huun
nazar-andaz kar deti hai jab duniya
janam ḳhud apni hairani se leta huun
jahan mushkil men paḌ jaate hain gird-o-pesh
vahan main saans asani se leta huun
lagata hai miri bina.i par tohmat
main fatve jis ki uryani se leta huun
Leave a Reply