beja na tha uTh baiThna bechaini se mera
shab samne ankhon ke vo tasvir khaḌi thi
ik haath dhara dil pe ik angusht dahan men
yuun kushta-e-ulfat ki tire laash paḌi thi
us gauhar-e-yakta ki jo main yaad men roya
har ashk-e-musalsal mira moti ki laḌi thi
sadme se shab-e-hijr ke jiita jo bacha tu
bimar-e-tap-e-hijr tiri umr baḌi thi
ki us ne hai asan dam-e-tegh se varna
manzil ye ‘shu.ur’ apne liye saḳht kaḌi thi
Leave a Reply