Sufi

Bechain Dil Hai Phir Bhi Chehre Pe Dilkashi Hai

bechain dil hai phir bhi chehre pe dilkashi hai

muflis ki zindagi men jo kuchh hai qudrati hai

ehsas ka parinda jaaga hai mere andar

us ki ata se khush huun dil mahv-e-bandagi hai

sahraon se to pyase laute nahin kabhi ham

dariya ke beach men hain to pyaas lag rahi hai

ham sochte hain akasr kyuun hashr sa hai barpa

jazbon men hai taravat fikron men shoalagi hai

mausam ki hi tarah ab insan badal rahe hain

ye faiz-e-agahi hai ya qasd-e-gumrahi hai

kis se kahun main ‘ahsan’ roz-e-azal se ab tak

kutiyon men tirgi hai mahlon men raushni hai

More Poems

Leave a Comment