Qamar Aasi
be-samar sohbaton se behtar hain
ranjishen ulfaton se behtar hain
saanp achchhe nahin yaqinan na.iin
par mire doston se behtar hain
hasil-e-ishq hai ye ik jumla
fasle qurbaton se behtar hain
karha-e-havas men hain mashghul
mashghale fursaton se behtar hain
raste rasti ke mat chhoḌo
vadiyan parbaton se behtar hain
qufl behtar nahin zabanon par
haan magar ghibaton se behtar hain
ham hain behtar ka.i balaon se
vo ka.i afaton se behtar hain
aap aur ham men farq hai itna
aap kuchh nisbaton se behtar hain
bad-gumanon se duriyan ‘asi’
ḳhva-maḳhvah hujjaton se behtar hain
Leave a Reply