be-qarari si be-qarari hai
ab yahi zindagi hamari hai
main ne us ko pichhaḌna hai miyan
meri saa.e se jang jaari hai
ishq karna bhi lazmi hai magar
mujh pe ghar ki bhi zimmedari hai
pyaar hai mujh ko zindagi se bahut
aur tu zindagi se pyari hai
main kabhi ḳhud ko chhoḌta hi nahin
meri ḳhud se alag si yaari hai
shahr ka shahr so gaya ‘tabish’
ab mire jagne ki baari hai
Leave a Reply