Sirajuddin Zafar
uTho zamane ke ashob ka izala karen
ba-nam-e-gul-badnan ruḳh su-e-piyala karen
ba-yad-e-dida-e-maḳhmur pur-piyala karen
uTho ki zahr ka phir zahr se izala karen
vo rind hain na uTha.en bahar ka ehsan
varud ham tiri ḳhalvat men be-havala karen
kahan ke dair o haram aao ek sajda-e-shauq
bapa-e-hosh-e-rubayan-e-bast-sala karen
baras paḌe jo gulistan men us nazar se sharab
bahak bahak ke ham aage subu-e-lala karen
subu uTha ki gadayan-e-ku-e-mai-ḳhana
tire havale mah-o-mehr ka qabala karen
hadis-e-zohd ho ya vardat-e-zahra-misal
kisi ke naam ko ham zeb-e-har-maqala karen
dikha sahifa-e-ruḳh is tarah ki ahl-e-bahar
varaq varaq ba-ḳhajalat bayaz-e-lala karen
uTho jala ke mai-e-surḳh se charagh-e-abad
nashat-e-sohbat-e-shab ko hazar-sala karen
ada vo nichi nigahon ki hai ki jaise ‘zafar’
talash-e-kunj-e-ghazalan-e-ḳhurd-sala karen
Leave a Reply