Poonam Yadav
be-niyazi ke silsile men huun
main kahan ab tire nashe men huun
hijr tera mujhe satata hai
aur baaqi to bas maze men huun
dhundh mat in udaas ankhon men
ghaur kar tere qahqahe men huun
vo mujhe ab bhi chahta hoga
main abhi tak mughalate men huun
har taraf mahfilen khayalon ki
ishq ke shahi mahkame men huun
tod kar hi nikal le koi
qaid main apne daere men huun
us ko manzil bhi mil gai apni
aur main huun ki raste men huun
Leave a Reply