be-khuda hone ke dar men be-sabab rota raha
dil ke chauthe asman par kaun shab rota raha
kya ajab avaz thi sote shikari jaag uthe
par vo ik ghayal parinda jan-ba-lab rota raha
jaate jaate phir december ne kaha kuchh maang le
khali ankhon se magar dil be-talab rota raha
main ne phir april ke hathon se dil ko chhu liya
aur dil sayon se lipta saari shab rota raha
us ne mere naam suraj chand taare likh diya
mera dil mitti pe rakh apne lab rota raha