Be-Khayali Mein Yunhi Bas Ek Irada Kar Liya

be-khayali men yunhi bas ik irada kar liya

apne dil ke shauq ko had se ziyada kar liya

jante the donon ham us ko nibha sakte nahin

us ne vaada kar liya main ne bhi vaada kar liya

ghair se nafrat jo pa li kharch khud par ho gai

jitne ham the ham ne khud ko us se aadha kar liya

shaam ke rangon men rakh kar saaf paani ka gilas

ab-e-sada ko harif-e-rang-e-bada kar liya

hijraton ka khauf tha ya pur-kashish kohna maqam

kya tha jis ko ham ne khud divar-e-jada kar liya

ek aisa shakhs banta ja raha huun main ‘munir’

jis ne khud par band husn o jaam o baada kar liya

Leave a Comment