Basheer Dada
be-basar afat se taklif hoti hai mujhe
sar-phire halat se taklif hoti hai mujhe
jo mire dushman ko samjha kar ga.i kam-zarf hai
ya.ani kis kis baat se taklif hoti hai mujhe
aaj bairun-e-qafas sayyad ki parva nahin
aap apni zaat se taklif hoti hai mujhe
jashn kar meri tabahi par koi shikva nahin
bas tiri auqat se taklif hoti hai mujhe
ham-nashini se tiri har shab bahut shirin thi
juz tire ab raat se taklif hoti hai mujhe
zulm ka aadi huun zanjiri miri pahchan hai
ḳhud laga.i ghaat se taklif hoti hai mujhe
Leave a Reply