bata.un tujhe main ki kya chahta huun
tire dil men thoḌi si ja chahta huun
na motor na bangla na murgh-e-musallam
main kuTiya men saada ghiza chahta huun
rahe hosh baaqi na jab us ko dekhun
main dilbar men aisi ada chahta huun
bahut tez nafrat ki ye andhiyan hain
uḳhuvvat ki ThanDi hava chahta huun
gunahon se kaala ye dil ho gaya hai
‘zaki’ is maraz ki dava chahta huun
Leave a Reply