Poet
kaun si aisi lauh-e-jabin hai
jis par tera naqsh nahin hai
haal vahi hai dil ke ziyan ka
lekin ab ehsas nahin hai
jis ko falak bhi dekh rahe hain
arsh-nishan vo meri zamin hai
aa.i chaman men fasl-e-baharan
koi magar dil-shad nahin hai
qasr-e-dil ko Dhane vaale
dekh to is men kaun makin hai
ḳhuub hai yuun to tera naghma
dil ki magar avaz nahin hai
ab hai ye aalam jan-e-masarrat
dil ko fareb-e-gham bhi nahin hai
dekh raha huun hal-e-nasheman
lab pe magar fariyad nahin hai
aur bhi taa.ir hain gulshan men
koi magar dam-saz nahin hai
shak to kisi surat men hamdam
husn-e-yaqin hai aur na yaqin hai
Leave a Reply