bas ek apne hi qadmon ki chaap sunta huun
main kaun huun ki bhare shahr men bhi tanha huun
jahan main jism tha tu ne vahan to saath diya
vahan bhi aa ki jahan main tamam saaya huun
vo ek moḌ bhi is rah pe aa.ega ki jahan
mila ke haath tu bolega main to chalta huun
tiri juda.i ka gham hai na tere milne ka
main apni aag men din raat jalta rahta huun
ga.e vo roz ki tu ba.is-e-qarar thi jab
tiri jhalak se bhi ab to udaas hota huun
mire baghair hai mumkin kahan tiri takmil
mujhe pukar ki main hi tira kinara huun
kabhi to Duub sahi shaam ke samundar men
ki main sada hi javahar nikal laaya huun
Leave a Reply