barson ke jaise lamhon men ye raat guzarti jaegi
tum samne aae gar dil ki dhadkan bhi thahar hi jaegi
parde men rahun ankhen meri betab to hain par taab nahin
be-tabi-e-dil lamhati hai halat ye sambhali jaegi
aina-e-dil shaffaf to ho ham ko bhi sanvarna lazim hai
ham ko bhi pata hai milne par chehre ki bahali jaegi
kuchh khud men kashish paida kar lo ki mahfil tum se aankh bhare
ye chaal bade ayyar ki hai ye chaal na khali jaegi
ai kashif-e-soz-e-hasti sun hai tujh men nihan asrar ki bu
gar tera guzar gulshan se hua har baat nikali jaegi
Leave a Reply