barson ka shanasa bhi shanasa nahin lagta
kuchh bhi dam-e-hijran mujhe achchha nahin lagta
kar luun main yaqin kaise ki badla nahin kuchh bhi
lahja hi agar aap ka lahja nahin lagta
ik tere na hone se hua haal ye dil ka
basti men koi shaḳhs bhi apna nahin lagta
kaghaz se vo manus si ḳhushbu nahin aa.i
ye ḳhat bhi tire haath ka likkha nahin lagta
ankhon men miri is liye ‘jazib’ ye nami hai
sukha hua dariya mujhe achchha nahin lagta
Leave a Reply