barg-e-gul shaḳh-e-hijr ka kar de
ai ḳhuda ab mujhe hara kar de
har palak ho nam-ashna mujh se
mera lahja bahar sa kar de
mujh ko raushan mire bayan men kar
ḳhamushi ko bhi aa.ina kar de
baiTh ja.un na thak ke misl-e-ghubar
dasht men surat-e-saba kar de
meri takmil harf-o-saut men ho
mujhe paband-e-iltija kar de
kaun dastak pe kaan dharta hai
tu mire haath dil-kusha kar de
ai jamal-e-dayar-e-kashf-o-kamal
mauja-e-rang ko nava kar de
Leave a Reply