baare duniya men raho gham-zada ya shaad raho
aisa kuchh kar ke chalo yaan ki bahut yaad raho
ishq-peche ki tarah husn-e-giraftari hai
lutf kya sarv ki manind gar azad raho
ham ko divangi shahron hi men khush aati hai
dasht men qais raho koh men farhad raho
vo garan khvab jo hai naaz ka apne so hai
daad be-dad raho shab ko ki fariyad raho
‘mir’ ham mil ke bahut khush hue tum se pyare
is kharabe men miri jaan tum abad raho
Leave a Reply