baras kar khul gaya abr-e-khizan ahista ahista
hava men saans lete hain makan ahista ahista
bahut arsa laga rang-e-shafaq maadum hone men
hua tarik niila asman ahista ahista
kahin patton ke andar dhimi dhimi sarsarahat hai
abhi hilne lagengi daliyan ahista ahista
jahan daale the us ne dhuup men kapde sukhane ko
tapakti hain abhi tak rassiyan ahista ahista
samaat men abhi tak ahaton ke phuul khilte hain
koi chalta hai dil ke darmiyan ahista ahista
badal jaega mausam dard ki shakh-e-barahana men
nikalti aa rahi hain pattiyan ahista ahista
Leave a Reply