phir is duniya se ummid-e-vafa hai
tujhe ai zindagi kya ho gaya hai
baḌi zalim nihayat bevafa hai
ye duniya phir bhi kitni ḳhushnuma hai
koi dekhe to bazm-e-zindagi men
ujalon ne andhera kar diya hai
ḳhuda se log bhi ḳha.if kabhi the
magar logon se ab ḳha.if ḳhuda hai
maze puchho kuchh us se zindagi ke
havadis men jise jiina paḌa hai
mire pahlu men dil hai to yaqinan
azal hi se magar TuuTa hua hai
zaban-o-fan se main vaqif nahin huun
magar vijdan mera rahnuma hai
mire naqqad meri sha.iri to
mire TuuTe hue dil ki sada hai
kahan huun ‘shad’ main to shaad sa huun
vo shad-e-ḳhush-nava to mar chuka hai
Leave a Reply