har ek saans men sargoshiyan hain nauhon ki
kisi bhi lab pe koi jan-faza tarana nahin
simat simat gai angdaiyon ki pahnai
hikayat-e-gham-e-dauran koi fasana nahin
jo zulm ham pe hua hai ab us ka zikr hi kya
yahan pe ham hi sitam-khurda-e-zamana nahin
shikast-e-saz-e-mohabbat se sozish-e-gham se
har ek ariz-e-gulgun se shabnam-aluda
maal-e-ahd-e-vafa hai firaq-e-dida-o-dil
naqib-e-daur-e-guzishta hai daur-e-maujuda
Leave a Reply