poonam-yadav

Baqi Sab Kuchh Duniya Mein Be-Mani Hai

baaqi sab kuchh duniya men be-maani hai

meri nazar men ik tu hi la-sani hai

roz badal kar chehre kyuun dikhlata hai

teri har surat jani-pahchani hai

saath rahe jyuun koi kinare nadiya ke

qismat ki bhi dekho kya man-mani hai

dard ka mausam phir se lauta hai shayad

ankhon ke dariya par khuub ravani hai

gham aansu tanhai shikve bechaini

is duniya men sab ki ek kahani hai

More Poems

Leave a Comment