Poet
baqa sadaf ki guhar ke siva kuchh aur nahin
vafa shu.ur-e-bashar ke siva kuchh aur nahin
ghalat ghalat ki mohabbat fareb-e-hasti hai
ye rabt-e-ḳhas asar ke siva kuchh aur nahin
shua-e-mehr-e-munavvar main mah-e-taban main
kisi ki pahli nazar ke siva kuchh aur nahin
abhi junun ko guzarna hai shah-rahon se
junun ki had tire dar ke siva kuchh aur nahin
vo sham-e-gham jo tiri zindagi ka hasil hai
vo shaam nur-e-sahar ke siva kuchh aur nahin
yahi nizam-e-jahan hai yahi hai raz-e-baqa
samar hayat-e-shajar ke siva kuchh aur nahin
tujhe ḳhirad se hai nisbat hamen ‘aziz’ junun
ba-qadr-e-zarf nazar ke siva kuchh aur nahin
Leave a Reply