noshi-gilani

Bahut Tarik Sahra Ho Gaya Hai

bahut tarik sahra ho gaya hai

hava ka shor gahra ho gaya hai

kisi ke lams ka ye mojaza hai

badan saara sunahra ho gaya hai

ye dil dekhun ki jis ke chaar janib

tiri yadon ka pahra ho gaya hai

vahi hai khal-o-khad men raushni si

pe til ankhon ka gahra ho gaya hai

kabhi us shakhs ko dekha hai tum ne

mohabbat se sunahra ho gaya hai

More Poems

Leave a Comment