bahut se raston men tu ne jo rasta chuna tha
farishte aaj tak hairat men hain kaisa chuna tha
bahut se shahr rahne ke liye hazir the lekin
hamesha zinda rahne ke liye sahra chuna tha
jo pichhe aa rahe the un se tu ghafil nahin tha
ki tu ne raste ka ek ik kanTa chuna tha
jahan men kaun tha dosh-e-nabi jis ka tha murkkab
isi ḳhatir barhana-pa.i ne tujh sa chuna tha
zamana janta hai kaun tha jo paar utra
ki tu ne pyaas aur darbar ne dariya chuna tha
Leave a Reply