bahut mushkil hua rasta hamara
jab us ne kho diya naqsha hamara
mila jab raushni se muddaton baad
lipaT kar ro paḌa saaya hamara
bahut mahdud hai duniya hamari
nahin nibh pa.ega rishta hamara
agarche koi bhi aata nahin tha
khula rahta tha darvaza hamara
nahin is men mohabbat ke siva kuchh
bahut hai muḳhtasar qissa hamara
hamari koi qimat hi nahin hai
nahin kar paoge sauda hamara
na jaane kaun dastak de gaya hai
na jaane kaun hai apna hamara
tumhen apna banaya bol kar jhuuT
kaho kaisa laga dhoka hamara
Leave a Reply