Bahut Hassas-O-Nazuk Aabgine Wala Main Tanha

Ishrat Qadri

bahut hassas-o-nazuk abgine vaala main tanha

sharaben phenk kar zahrab piine vaala main tanha

na.e lashkar na.e neze na.i sharten hain bai.at ki

ye kis kuufe men huun makke madine vaala main tanha

lahu se kis tarah tariḳh likhun asr-e-hazir ki

hazaron sar kaTi lashon men jiine vaala main tanha

suḳhan-e-na-ashna sahib-qiran ahl-e-sama.at men

shu.ur-o-fan ka girvida qarine vaala main tanha

bata.un apna shajara kiya subuk-saran-e-sahil ko

tah-e-girdab gum-gashta safine vaala main tanha

azab-e-jan hai ‘ishrat’ dard-mandi aur hissiyat

qataron men gareban chaak siine vaala main tanha